Колана пантасьöм

Поможем, чем можем. Специалисты Управления Росреестра приняли участие в совете глав сельских поселений Кудымкарского района.

Колана пантасьöм. Росреестрлöн управленнёись специалисттэз участвуйтiсö сельскöй  поселеннёэзiсь юралiссезлöн советын. Кудымкарскöй районiсь сельскöй поселеннёэзiсь юралiссез, нылöн вежиссез да эшö мöдiк тöдчана отир öксисö могöн керны итоггез быдкодь сфераэзын чулöтöм мероприятиеэз сьöртi, сiдзжö видзöтны программаэз да проекттэз, кöдна сьöртi олö да уджалö Кудымкарскöй район. Сельскöй хозяйство лоис значимöй направленнёэз коласiсь öтiкöн.

Дзирыт дискуссия аркмис совет вылын оланiнкöт йитöм шоггезöн. Этö Кудымкарскöй районын аварийнöй керкуэзiсь  вуджöм. «Переселение из аварийного жилья» нима прогрммаын участвуйтоны районiсь куим поселеннё.

Татöн жö ордчöн регистрационнöй службаись специалисттэзкöт бöрйисö быдкодь кадастровöй юалöммез. Кыдз казьмöтiсö Росреестрлöн Управленнёись уджалiссез, талуння лун вылö оз вештö быдöс налоггесö витдас  объект, сiдз кыдз абу колана документация.

Одзланься удж нуöтöмын эта пантасьöмыс бура отсалас, сiдз кыдз юралiссезлöн вöлi возможность бöрйыны быдöс тöждöтана темаэсö, кöдна йитöмöсь поселеннеэзлöн оланкöт да Кудымкарскöй районлöн быдкодь сфераээзын зоралöмкöт.