Туйез некытчö оз туйö

Туйез некытчö оз туйö. Быд год Кудымкарын чулöтчöны туйез лöсьöтöм сьöртi уджжез, но ветлыны карлöн мукöд улицаэз кузя лоö сё сьöкытжык. Этшöм улицаэз лыдö пырöны Залесная, Усадебная, Камышова да ны бокись мöдiк туйез. Татöн олöны уна челядь, кöдна ветлöтчöны школаэзын, нето ветлöны челядь саддэзö. Мунöны нiя пидзöсви нятьöть или жö аймаммезныс нутöны вывланыс. Зэв сьöкыт нылö, кинлö колö медицинскöй отсöт. Скорöй татчö оз пыр. Этасянь шогалiсь мортöс колö петкöтны противотуберкулёзнöй диспансер, нето тюрьма дынö, кытöн пондöтчö асфальт. Дамба сайын ва. Кыдз шуисö отирыс, öнi сiя пырö быдöс керкуэзись джоджуввезö. Кар администрацияись ЖКХ сьöртi юралiсь Наталья Стоянова кöсйö, мый гожум коста туйез лоасö лöсьöтöмöсь.

Неисчерпаемая тема. В Кудымкаре до сих пор остаются дороги, по которым в период весенней распутицы ни проехать, ни пройти. К таким относятся и Камышёва, Усадебная, Залесная и прилегающие к ним улицы. На эти улицы не могут заехать ни скорая помощь, ни пожарные машины. Старшие школьники выбираются в школы, утопая по колено в грязи, детей поменьше родители выносят на руках. Власти Кудымкара соглашаются, что дороги требуют ремонта и обещают, что за лето они будут приведены в нормативное состояние.