Мыччалiсö ошибкаэз вылö

cvb

Скорее жив, чем мёртв. В министерстве по делам Коми-Пермяцкого округа состоялось заседание координационного совета по вопросам сохранения и развития коми-пермяцкого языка и культуры при МКПО Пермского края. Темой обсуждения стал вопрос о функционировании коми-пермяцкого литературного языка в электронных и печатных СМИ Коми-Пермяцкого округа.

Мыччалiсö ошибкаэз вылö. Коми-Пермяцкöй делоэз сьöртi министерствоын чулöтчис коми-пермяцкöй кыв да культура зорöтöм сьöртi координационнöй Советлöн заседанне. Сёрни сы вылын мунiс коми-пермяцкöй литературнöй кывлöн печатнöй да электроннöй СМИ-эзын функционированнё йылiсь. Докладдэз вöлiсö керöмöсь сы йылiсь, кыдз коми-пермяцкöй кыв используйтчö газетаэзын, радио да телевидение вылын. Талун округын коми-пермяцкöй кыв вылын петö дзир öтiк «Кама кытшын» нима газета. Месяц вылын öтiк листбок лэдзö «Парма» нима газета. Электроннöй СМИ-эз коласiсь коми кыв вылын сёрнитöны государственнöй радиовещаннё да телевиденнё вылын.

Быдöс корреспонденттэз, кöдна талун гижöны чужан кыв вылын бура тöдöны ассиныс миссия. Отирлöн вежöрын кыв видзö ыджыт вын. Сiйöн журналисттэз одзын сулалö мог лэбтыны сылiсь дон эшö вылынжыка.

Гижны да сёрнитны талун сöстöм коми-пермяцкöй кыв вылын абу кокнит. Кыв рочсялö, чинöны отир, кöдна баитöны мам кыв вылын. Етша отсалöны эта уджын и важ кывчукöррез.

Совет вылын властьлöн представителлез да коми-пермяцкöй кыв вылын гижись журналисттэз одзö шыöтчис аслас письмоöн и коми-пермяцкöй гижись Федор Истомин. Сiя корис лэбтыны коми кывлiсь дон да зорöтны сылiсь литературнöй кыв öлаын гижиссезкöт.

Пантасьöм коста вöлi примитöм решеннё пондöтны виль кывчукöр лöсьöтöм сьöртi удж, ловзьöтны термино-орфографическöй комиссиялiсь удж да чулöтны журналисттэзкöт коми-пермяцкöй литературнöй кыв зорöтöм сьöртi семинаррез.


Опубликовано: 25.12.2014 в 12:35 в рубрике - Новости

Комментарии

К этой статье пока нет комментариев. Вы можете стать первым!


Добавить комментарий:

Все поля должны быть заполнены.

Имя

Электронная почта

Текст комментария:
Вводите только текст. HTML-форматирование удаляется автоматически.

Перезагрузить картинку можно кликнув по ней.  

Введите цифры с картинки.

Обратите внимание