Праздник лоис бур поводöн поздравитны геройезöс

Спасателей наградили. В Кудымкаре состоялось торжественное мероприятие, посвященное Дню спасателя Российской Федерации. Сотрудников МЧС поздравили руководство ведомства, представители городской и районной власти.

Праздник лоис бур поводöн поздравитны геройезöс. Спасательлöн Всероссийскöй вежалун лунö пожарнöй охранаись сотрудниккезöс да отирöс, кöдна эта год вылын отсасисö нылö некокнит уджын, öктiсö öтлаын вежалунся постороеннё вылö.

Медодз аттьöалiсö пожарнöй охранаись сотрудниккезöс. Кудымкарскöй районлöн юралiсь ассяняс козьналiс нылö благодарственнöй письмоэз. Сэтшöм жö козин лöсьöтiс и карлöн юралiсь.

Бура ошкисö пожарнöй службаын отирöс, кöдна отсалiсö пожарнöйезлö ны уджын. Вöлi награжденнöйез коласын и Сергей Ильиных, вневедомственнöй охранаись сотрудник. Почетнöй грамотаэз вöлiсö сетöмöсь и челядьлö, кöдна ештiсö ни керны ыджыт подвиггез. Сiдз Внуковоын аркмöм пожар коста спасателлезöн лоисö Сергей Старков да Максим Томилин.

Ассиныс геройезнысö адззисö и медбур пожарнöйлöн нагруднöй знаккез. Нiйöн вöлiсö пасйöмöсь кык вон Роман да Андрей Истоминнэз.