Кудымкарись челядь понда искусствоэзлöн школа пондöтö ыджыт проект вылын удж

Дети взялись за «Кошкин дом». Уже к осени воспитанники Детской школы искусств смогут показать кудымкарскому зрителю мюзикл «Кошкин дом». В это лето ребята усиленно репетируют. Разучивают роли, спеваются. Помогают им в постановке специалисты краевого музыкального театра Орфей.

Кудымкарись челядь понда искусствоэзлöн школа пондöтö ыджыт проект вылын удж. Таво сэтчинiсь челядькöт сувтöтасö «Кошкин дом» нима мюзикл. Пиэз коласын медодзза кастинг чулалiс ни и öнi нiя тöдсасьöны ассяма жанркöт. Тöдсöтны челядьöс сэтшöм жанркöт, кыдз мюзикл, Кудымкарö вовлiс Перемись «Орфей» нима музыкальнöй театр. Гöссез мыччалiсö ассиныс «Бяки-Буки» нима постановка.

Быдöс челядь, кöдна тавося гожумö ветлöтöны ДШИлöн площадка вылö, этö нiя, киннэз вермисö мунны «Кошкин дом» нима мюзикл вылö медодзза кастинг пырйöт. Сэсся лоас чулöтöм эшö öтiк кастинг, сы вылын бöрьясö медодзза роллез понда артисттэзöс.

Проектлöн реализация сьöртi удж пондöтчас арнас. Кытчöдз жö челядь шоччисьöны, сьылöны, йöктöны, котрасьöны да орсöны. «Кошкин дом» нима мюзикл челядь мыччаласö только год помö. Сiйö представитасö кыдз карись зрительлö, сiдз и нöбöтласö мöдiк районнэзö.