Дефицит для детей

В начале июня началось распределение мест в детских садах в Кудымкаре. В сады пойдут дети от полутора до 7 лет. Всего городские власти планируют распределение 180 путевок. Еще столько же остается детей без мест. Мамы в беспокойстве.

Июль медодзза лунсяь Кудымкарын пондöтчис челядь саддэзö местаэз сеталöм. Ыджыт очереддез кар администрацияын öнi быд лун. Быд аймам сетö бы ассис писö садикö, но дошкольнöй учрежденнёэз быдöнныс понда оз тырмö, и эта проблемаыс не только Кудымкарын.

Комплектуйтны списоккез пондöтчисö май сизимöт лунсянь. Нiя, челядёкыс, кöдна сэтчö шедiсö, мунiсö медкомиссия пырйöт. Öнi сэтшöммесö видзчисьöны карись быд челядь садын, кытöн оссисö ясельнöй да сора группаэз.

Желающöйез челядь саддэзö зэв уна. Вот и Мария Гордеевалöн зонок видзчисьö этö шуда лунсö, кöр нылö сетасö путёвка. Кагалöн аймамыс кыкнанныс уджалöны образованнёын, но некытшöм льгота эта понда оз ло. И, тыдалö, дыр эшö ковсяс видзчисьны. Стасиклö вöлись год да квать месяц, этасянь челядь сад нылö кытчöдз оз кöсйö.

Гордееввез надейтчöны, мый матын кадö нiя сё жö вермасö корсьыны садикö. Одзжык эттшöм возрастаа пиэз ветлöтiсö ни дошкольнöй учрежденнёэзö. Öнi законнэз вежсисö, челядь саддэзö местаэзлöн дефицит сiдз жö некытчö эз öш, сiйöн кöр эттшöм семьяэзлö видзчисьны путёевкаэз, веськыта висьтавны некин оз вермы.