Вузасян бы яйöн, киат видз колана документтэз

Клеймение мяса. Теперь клеймение мяса может проводиться непосредственно на продуктовых рынках.

Вузасян бы яйöн, киат видз колана документтэз. Нина Долдина яйöн рынок вылын вузасьö даскыкöт год ни. Ачыс вöдитö подаöс, яй вылын и шедтö деньга.

Порсь да кукань яй, а сiдзжö поснит подалöн яй вылö дон абу öткодь, но медшöрöн лоö качество. Эд быд босьтiсь бы небö бур да чöскыт яй. А качество зависитö сысянь, кытшöм условиеэзын вöлi быдтöм да начкылöм подаыс. Пищевöй продукция сьöртi июль медодза лунсянь пондiс уджавны техническöй регламент.

Рынок вылiсь яйвузасиссез ассиныс поданысö öнi сiдзжö начкылöны карись начкисян пункт вылын. Но эта ны понда не медбур вариант.

Кöркö эшö лаборатория уджавлiс, и отирлöн удж мунiс кокнитжыка. Öнi закон диктуйтö мöдiк корöммез. А сiдз кыдз быд правилоын вермас лоны исключеннё, яй клеймитöм сьöртi губернатор гижис торья письмо.

Только колана регламент Кудымкарын эшö абу. Быдöс сысянь, мый вузасян места оз лыддись продуктовöй рынокöн.

Медбы яйсö петкöтны рынок вылö, колö босьтны и справка, и мöдiк колана документтэз. Убойнöй пункт вылын уджалöны карись ветеринаррез.

Быдöс мероприятиеэз керсьöны быдкодь яйлiсь качество видзöтöм понда. А вузасиссез надейтчöны, мый клеймитны пондас туйны веськыта ветслужбаын, кыдз эта вöлi одзжык.