Енлö веритiсь отир порйöтiсö Крещеннё

Православнöй вежалун уна отир понда лоö югыт тöдчана праздникöн. Вичкуын Крещеннё пыр мунö церковнöй обычайез сьöртi.

Кузь ой вичкуын мунiс служба, отир öнöдз юрбитöны, шуд да вын кöсйöны быдöнныслö, кеймöны эта йылiсь енлö. Прихожана коласын вöлiсö не только пöрись отир, томмес сiдзжö öксисö уна, вöлiсö и челядь. Вичкуын быд морт вермис юны вежа ва, сiдзжö миссьыны сöстöм ваöн, а эшö загадайтны желаннё, кöда, кыдз баитöны пöриссез, обязательно пырас оланö, сiдз кыдз Крещеннё ойö оссьö енöжыс.

Крещеннё ойö отир сiдзжö öксьылiсö вичку дынын, мед кытшöн гöгöртны храмсö. Православнöй христиана веритöны, мый этшöм вежалуннэз сетöны уна шуд да вежöны оланлiсь туйсö бур ладорö.