Степановское сельское поселение отмечает юбилей

Степановское сельское поселение Кудымкарского района отпраздновало свое 10-летие.

Степановскöй сельскöй поселеннё порйöтiс ассис юбилей. Территориялö тырис дас год. Ветераннэз, почетнöй уджалiссез и быдöс Степановскöй сельскöй поселеннёись олiссез эта лунö вöлiсö нимлунаöсь. Ассиныс неыджыт юбилейсö нiя порйöтiсö быдöнныс öтлаын. Кольöм рубеж сьöртi туйис керны итоггез и вöлi мый йылiсь баитны.

Керны бур олан колö квать тысяча морт понда, сымда талун олöны эта поселеннёын. Аркмис Степановскöй территория куимдас нель населеннöй пунктiсь. Бöрья дас год коста быдмис не öтiк фельдшерско-акушерскöй пункт, сторитсисö керкуэз, паськалiсö деревняэз. Быд деревняын эмöсь почетнöй и уважаемöй олiссез, кöдна годдэз сьöрна зорöтiсö ассиныс поселеннё.

Кыдз баитсьö, быд территория видзсьö олiссез вылын, сiдз и татöн. Поселеннелöн медшöр дон - этö отир. Юбилейнöй лунö вöлiсö висьталöмöсь уна шоныт кыввез, нимлун лунö быдöнныс кöсйисö дзир сiйö, мед зорамис, вынсялiс и бурсялiс роднöй территория.