Скоро Новый год

«Скоро Новый год». В выставочном зале КДЦ г. Кудымкара открылась традиционная новогодняя выставка. На ней представлены более трехсот работ, которые разделили по двум номинациям, это «Коми-пермяцкий новогодний подарок с элементами народного творчества» и «Лучший рождественский рисунок». Итоги конкурса будут подведены 12 января.

Кудымкарын оссис вильгодся выставка. Изобразительнöй и декоративно-прикладнöй творчество сьöртi уджжез традиционнöя чукöртiсö КДЦ-лöн выставочнöй залын.

«Скоро новый год» - сэтшöм нима выставка оссис вежалун панытö. Куимсё куимдас кык быдкодь бытшöм удж торйöтiсö кык интереснöй номинация вылö, это «Коми-пермяцкий новогодний подарок с элементами народного творчества» и «Лучший рождественский рисунок». Участниккезлöн география шогмис паськыт. Мастеритiсö быдöнныс, кинлö эз вöв дыш.

Осьтны вильгодся выставка локтiсö уна челядь. Кыкöт и куимöт номера школаэзiсь велöтчиссез асьныс участвуйтöны конкурсын, сiйöн видзöтны быдöс бытшöмсö локтiсö ыджыт желаннеöн.  Татöн эм мыйöн дивуйтчыны.

Выставочнöй залын эмöсь уна быдкодя мастеритöм лымбабаэз, зэв неöткодь кöзоккез и нельки пöжалöм сувениррез да композицияэз. Медбур  уджжесö  бöрьяс татiсь жюри. Январь даскыкöт лунö лоасö керöмöсь итоггез, победителлезöс видзчисьöны козиннэз. Öнi выставка уджалö быд лун и видзöтны быдöс виль год кеж мастеритöмсö вермасö учöттэз и ыджыттэз.