В Кудымкаре побывал поезд Деда Мороза

В Кудымкаре побывал поезд Деда Мороза. Творческий состав поезда привез детям Пешнигортского детского дома спектакль про Домовёнка Кузю, о том, как он встречает Новый год.

Кудымкарö вовлiс Дед Морозлöн поезд. Декорацияэз сувтöтöм да спектакльлöн репетиция вылö артисттэзлöн мунiс джын час гöгöр. А вот челядь понда керкуись воспитанниккез лöсьöтчöмась эта лун кежö öддьöн бура. Челядь виль год да дед Морозлöн поезд локтöм кежö баситöмась прихожöйез да комнатаэз.

Поездлöн творческий состав вайис Пешнигортскöй детскöй домись челядь понда домовенок Кузя йылiсь и кыдз сiя панталö виль год, спектакль. Челядь вылö видзöттöн, тыдалiс, кыдз и кытшöм важын и дыр нiя видзчисисö этö моментсö.

Дед Морозлöн поезд быдса неделя сьöрна пондас ветлöтны Пермскöй крайись челядь понда керкуэзöт да онкологическöй центррезöт. Выступленнё бöрын быд челядеклö сетчöны дед Морозсянь чöскыт козиннэз, эд нытöг виль годыс некöр оз овлы. Но а челядьлöн медшöр желанне виль годся ойö пыр öтiк – адззыны семья. И эттшöм вежалуннэс вынсьöтöны волшебствоö да чудоö веритöм и отсалöны вайöтны виль годсö невночка одзжык.

Волшебнöй, нёль колесоа поезд ештiс ни аслас выступленнеэзöн вöвны Горнозаводскын, Закамскын, Добрянкаын, Пешнигортын и Кудымкарын.

Пешнигортiсь детскöй домись челядь понда виль годся праздничнöй мероприятиеэз, позьö шуны, пондöтчисö ни, и öтлаын ныкöт пондöтчис и виль годся чудоö веритöм.