В Кудымкаре отметили день героев Отечества

В Кудымкаре отметили день героев Отечества. На мемориальном комплексе ветераны совместно со студентами Коми-Пермяцкого агротехнического техникума возложили цветы, а после в стенах Коми-Пермяцкого краеведческого музея имени Субботина-Пермяка провели урок Мужества.

Россияын öкмысöт пырся ни порйöтiсö Отечестволöн геройезлiсь лун. Страна пасьта чулöтчисö торжественнöй мероприятиеэз. Геройезöс-победителлезöс касьтылiсö и миян карын.

Отечествоись геройезлöн лунö Кудымкарись ветераннэзлöн совет чулöтiс мероприятие. Митинг мунiс мемориальнöй комплекс вылын. Татöн ветераннэз ордчöн Коми-Пермяцкöй агротехническöй техникумись велöтчиссезкöт пуктiсö дзоридззез нылö, кин ловсö жалейттöг героическöя тышкасис врагкöт, уськöтiсö тöдвылö Советскöй Союзiсь дассизим герой коми-пермякöс.

Ыджытжык поколеннелöн убежденне сьöртi, эттшöм памятнöй луннэсö том отирлö колö тöдны, нiя календарьын  абу уна, и геройлö места обществоын пыр адззисяс. Эта йылiсь том отиркöт баитiсö и мужестволöн урок коста. Субботин-Пермяк нима Коми-Пермяцкöй краеведческöй музейын войналöн годдэзлö, воиннэзлö-победителлезлö казьмöтöм быдса экспозиция. Касьтылöммез, фронтовиккезлöн письмоэз, наградаэз, фотографияэз и эшö уна быдкодь берсяыс петкöтöм ыджыт выставка вылö. Победалöн юбилейнöй годлö посвятитöм декада мунö öнöдз. Карись ветераннэзлöн совет, кыдз и музейись сотрудниккез эта кад коста ештiсö чулöтны не öтiк памятнöй мероприятие.