«Уральский валенок»: было весело

В Кудымкаре на площади перед культурно-деловым центром состоялось сразу два праздника. В одно мероприятие объединили традиционный фестиваль «Уральский валенок» и «Теплый фестиваль», который в этом году был проведен впервые.

Карись культурно-деловöй центрлöн площадь вылын öтдруг чулалiсö кык фестиваль. Öтiк мероприятиеö öтлаöтiсö традиционнöй «Уральский валенок» нима фестиваль да «Шоныт фестиваль», кöда таво чулöтчис медодззаись. Людмила Туркина керис эта лунö контрольнöй закупка. Шоныт пимиэз сiя босьтiс быдсöн семья понда.

Фестиваль вылын отирлöн шöр могöн вöлiсö не сьыланкыввез да йöктöм, а пимиэз бöрйöм да небöм. Быдыс видзöтiс размер, рöм да пимиэз ассяма керöм вылö. Валёнкиэс вöлiсö петкöтöмöсь фестиваль вылö кыдз метснöй, сiдз и мöдiк регионнэзiсь мастеррезлöн. Пимилöн шöр доныс гоз понда вöлi тысяча да джын руб.

Кудымкарись пимокатнöй цехлöн мощносттез таво тыртöмöсь быдсöн. Вурунсö заптiсö неöтiк год кежö. Только вот спросыс пимиэз вылö таво невна учöтжык, нежели одззася годдэзö. И кыдз шуöны пимокатнöй цехись уджалiссез, эта йитöм сыкöт, мый тöвыс таво шоныт, мороззэс эшö эз на вöлö.

А кинкö новйö пимиэсö не только мороззэз коста. Кыдз шуöны отирыс, вуруныс оз вам, сiйöн шонытсö видзö буржыка, нежели импортнöй кöмкöтыс.

«Уральский валенок» нима традиционнöй вежалунсö таво öтлаöтiсö «Шоныт фестиваль» нима виль проекткöт. И кыдз шуöны организаторрез, одзлань думайтöны керны сiйö быдгодсяöн.

А сы коста фестиваль вылö петкöтöм пимиэз витринаэз вылын дыр эз öшшö. Отирыс тэрмасисö лöсьöтчыны уральскöй мороззэз кежö.