«Школа века» отмечает юбилей

Средняя общеобразовательная школа № 2 города Кудымкара отметила свое 85-летие. За стабильные успехи в образовательном процессе, обеспечиваемых педколлективом, во Всероссийском конкурсе «Школа года» школе было присуждено звание «Школа года» в течение 3 лет (с 1997-1999гг.). В 2000 году школа получила звание «Школа века».

Карись кыкöт номера школа панталiс ассис 85-öт юбилей. Кудымкарись быдöнныс понда тöдса и уна понда радейтана кыкöт номера школалö этна луннэзö тырис кыкьямысдас вит год. Аслас юбилей лунöдз школа локтiс казявтöг. Быдлунся образовательнöй удж, современнöй и успешнöй уроккез, пырись пыр уна челядь да ассяма мероприятиеэз бурсьöтöны и лэбтöны образовательнöй системалiсь уровень. 

Велöтчан годдэз пыр вöлiсö и öнöдз кольччöны меддонаэзöн да гажаэзöн татiсь велöтчиссез понда. Эталö подтвержденнеöн лоис и ачыс праздникыс. Торжественнöй мероприятие вылын öксисö зэв уна выпускник. Юбилейöн роднöй школа поздравитiсö юралiссез.

Торжественнöй церемония вылын почетнöй грамотаэзöн и дипломмезöн аттьöалiсö велöтiссезöс, ветераннэзöс и педагогическöй коллективись уджалiссезöс.

Кыкöт номера школа аслас век вылын ештiс босьтны ни «Школа года» и «Школа века» статуссэз. Престиж и талун некытчö эз пышшы. Образовательнöй учрежденнё пырö Пермскöй крайись медбур велöтчан учреденнёэзлöн лыдö. Эта да эшö уна мый бурыс йылiсь баитiсö вежалун лунö. Велöтiссез и велöтчиссез поздравитiсö роднöй школанысö праздничнöй концертöн.