Писатели, живущие рядом

«Писатели, живущие рядом». Под таким названием в Кудымкарском районе прошло литературное мероприятие, которое завершило год литературы.  

Мероприятие чулалiс Куваись загороднöй лагерьлöн база вылын. Литературнöй пикник öктiс öтлаын Кудымкарскöй районiсь медбур лыддьöтiссезöс. Кватьдас куим велöтчисьлö дöнзис шуд пантасьны Пермскöй крайись радейтана гижиссезкöт. Творческöй пантасьöм вылö локтiсö Перемись гижись Андрей Зеленин, коми-пермяцкöй гижись Любовь Косова-Старцева и том гижись Эдуард Матвеев. Литературалöн годыс нылöн быдöнныслöн шогмис тыра и шуда.

Белоевоись библиотекаррез гижиссез моз жö  ештiсö судзöтны таво не öтiк поспу, а год помын организуйтiсö эттшöм творческöй пикник. Локтiс кад керны итоггез и нылö, и челядьлö.

Литературнöй пикник вылын районiсь челядь, велöтiссез и библиотекаэзiсь уджалiссез активнöя участвуйтiсö мастер-классэзын. Андрей Зеленинкöт баитiсö гижисьöн гижöм произведеннёэз йылiсь, бур да умöль привычкаэз йылiсь. Творческöй беседа лыддьöтiссезлö ёна гленитчис. Гижисьлiсь книгаэз челядь бура лыддьöтöны.

Пикник шогмис быдладора. Том гижись Эдуард Матвеев баитiс финансовöй грамотность йылiсь. Тöдiс библиотекаррезсянь, кытшöм книгаэз талун медпопулярнöйöсь, и висьтасис, мымда виль небöг петöны год вылас Россияын и мöдiк странаэзын. Гижиссезöн, кöдна олöны ордчöн и Белоевоись библиотекаррезöн шогмис керны этö мероприятиесö праздничнöйöн. Литературалiсь год нiя пöдналiсö итоговöй литературнöй пикникöн.