Хозяева собаки, покусавшей девочку, предстанут перед судом

Хозяева собаки, покусавшей девочку, предстанут перед судом. На хозяйку собаки возбуждено уголовное дело, материалы дела  переданы в суд

Понлöн пурсьöм понда ответ видзны пондасö сылöн хозяиннэз. Сизим годся Оля вылö пон уськöтчис луншöрö öтöрын. Сiя неöтпырись ештiс курччöвтны нылочкалiсь чужöмсö. Больницаын нылочкалöн чужöм вылö пуктiсö кыкдас кык шов. Понлöн пиннезсянь дойдöмöсь син, синкым да кымöс. Трагедия бöрсянь чулалiс вит месяц ни, но понлiсь увтöмсö кылöм бöрын, кагасö öнöдз юкталöны успокоительнöй лекарствоэзöн. И мед вились  не травмируйтны нылочкасö, мамыс кагасö журналисттэслö оз мыччав.  Нылочкалöн мам кыввез сьöртi,  кагалiсь здоровьесö веськöтны быдсöн оз пет. Быдöс эта кад коста Оля мунiс дона терапия, но шраммес сы чужöм вылын кольччасö пыр кежö.

Понсö тöдiс нылочкалöн родственница Милана Баяндина. Сiя кадö, кöр поныс уськöтчис кагаыс вылö, сiя вöлi ордчöн и ештiс керны поныслiсь фотография. Понлöн хозяиннэз некыдз бы оз веритö, что этö нылöн понныс вермис уськöтчыны морт вылö. Сернитны журналисттэзкöт нiя эз пондö.  Хозяевалö мед обяснитны ситуациясö, се жö ковсяс адззыны кыввез и öнi судын ни. Неосторожность сьöртi здоровьелö вред вайöм статья сьöртi осьтöм уголовнöй дело. Эта понда максимальнöй наказаннеöн лыддиссьö свободалöн ограниченне.

Ну а сiя жö Людмила Вилесовалöн кыввез сьöртi, волькöтны нылочкалöн чужöм вылiсь шраммесö оз вермы некытшöм наказанне. И медстрашнöйöн лоö сiя, что этшöм ситуацияыс вермас шогмыны кöть кинкöт и кöть кöр, эд горттöм да видзöттöг öтöрö лэдзöм поннэс посадiсь улицаэз вылын етшажык эз лоö. Нем эз ло и сiя понкöт, кöда пурис нылочкасö, сiя се сiдз жö котрасьö öтöрас.