Кто виноват?

Кто виноват? По версии следователей причиной пожара, в результате которого в конце прошлого года погибли четыре человека, стала обычная халатность. Техник-электрик Кудымкарского коммунального предприятия нарушил должностные обязанности. Он не заметил отсутствия аппаратов защиты. Из-за них не сработал предохранитель. Скачек напряжения привел к замыканию и возгоранию.

Мыжаыс адззисис. Мöймуся пожар вылын, кöда аркмис Кудымкарын пуовöй уна квартираа керкуын мöйму год помö, и кöда коста биын кулiсö нель морт,Елена Филлипова невна эз пöд тшынас. Инька кыввез сьöртi, сiя тшыннас чушыктöм увья вöлi сознаннетöг ни. Кыкöт этаж вылiсь öшынсянь сiйö тойыштiс зятьыс, эд мöдiк туй, петны би пытшкись эз вöв. Усис, чегöтiс кыкнан коксö. Год бöртi сiя öнöдз вермö ветлöтны дзик инвалиднöй коляска отсöтöн. Уськöтö тöдвылö, что пожар вотöдз керкуыс вöлi ни аварийнöй состояннеын, электропроводкаыс вöлi öддьöн умöль.

Следователлезлöн версия сьöртi, пожарлöн причинаöн лоис обычнöй халатность. Кудымкарскöй коммунальнöй предприятиеись техник-электрик дзугис ассис должностнöй обязанносттесö. Сiя эз казяв, что эз вöлö защиталöн аппараттэз. Ны увья эз уджав и предохранитель. Напряженнелöн скачок вайöтiс электропроводкалöн замыканне а сэсся и пожар дынöдз.

Öнi халатностьын мыжйöм электрикыс чöвтöм должностись. Уголовнöй дело сетöм судö. Если сылöн мыжыс лоас докажитöм, то сiйö вермас видзчисьны свободалöн лишенне. Этшoм аварийнöй керкуэз Кудымкарас неöтiк дасся унажык. И кыдз шуöны отирыс, овны ныын полöм петö, эд отключеннеэз да электропроводкалöн замыканнеэз важын ни лоисö обычнöй явленнеöн.

Внеплановöй проверкэз пондiсö чулöтны öнi коммунальщиккез. Нiйö тшöктiсö вайöтны электропроводкасö нормальнöй состояннеöдз. Адззисьöны и сэтшöм нарушеннеэз, кöднö керöны асьныс отирыс и кöдна вермасö вайöтны виль трагедия дынö.

Сотчöм керкуыс, кöть и мöдiсö сiйö разьны пожар бöрсяняс куим месяц бöртi, öнöдз сулалö кар шöрас. Отир кыввез сьöртi, разьсьöм керкуас часто котрасьöны да орсöны челядь, а этö вились вермас вайöтны трагедия дынö. А сiя жö Елена Филиппова öнi олö общежитиеын и лöсьöтö моральнöй да физическöй ущерб бергöтöм понда судебнöй исккез.