Юный маэстро кухни готовит пистики

«Юный маэстро кухни». Как правильно приготовить пистики, пиканы и даже мох, можно было увидеть на этнокультурном фестивале «Юный маэстро кухни», который прошел в Кудымкаре.

А ме поварö бы муна, ась менö велöтасö. Кыдз правильнöя да чöскыта лöсьöтны пистиккез, пикан и нельки нитш? Быдöс этö туйис адззывны «Юный маэстро кухни» нима этнокультурнöй гастрономическöй фестиваль вылын, кöда этна луннэзö чулöтчис Кудымкарын. Таво сыын участие примитiсö куимдас нёль команда. Этö округись школаэзiсь сё куимдасся унажык велöтчись. Константин Светлаков мöйму фестиваль вылын шедтiс Гран-при. Таво жö сiя готов вöлi дивитны жюрисö виль сёянöн, кытчö пуктiссьö нитш ягель. Одзжык сыись керлöмась студень.

Том поваррез вермасисö öтамöдкöт сэтшöм номинацияэзын, кыдз «Современнöй национальнöй блюдо», «Десерт», «Сьöд ящик», «Гран-при» да мöдiккезын. Быдыс лöсьöтöм сёянсö важ стариннöй национальнöй рецепттэз сьöртi, только оформитöмöсь да сетöмöсь нiя вöлiсö современнöя. Велöтчиссезлöн вöлi бур возможность мыччавны ассиныс способносттезнысö да мастерствонысö. Эта понда и условиеэс вöлiсö бытшöмöсь и сёян лöсьöтöм понда материалыс вöлi медбур.

Пермскöй крайлöн дас годся юбилей кежö арт-класс номинацияын участниккез презентуйтiсö шоколадiсь керöм ошöс да Пермскöй крайлöн символикаöн торттэз. Таво фестивальыс чулöтчис нёльöт пырся ни. Сылöн шöр могöн лоö коми-пермяккезлöн кухняись традицияэз видзöм да зорöтöм.

Вот и Константин Светлаков шуö, что гастрономическöй фестивальын участие сылöн одзланься оланын дзик медодзза оськöв, и таво ачыс сiя сiдз жö нельöт пырся ни участвуйтö фестиваляс. И одзлань лöсьöтчö мунны велöтчыны профессиональнöй училищеö повар вылö.