В Кудымкаре прошли учения пожарных

В Кудымкаре прошли учения пожарных, во время которых  они оттачивали навыки аварийно-спасательных работ при ДТП.

Округись пожарнöйез понда чулöтiсö паськыт велöтчöммез. Ны коста мыччалiсö, кыдз колö чулöтны ДТП-эз дырни спасательнöй уджжез.

Гарнизоннэз коласын велöтчöммез пожарнойезлöн чулалöны год вылас не öтпырись. Этнаын примитiсö участие округлöн быдöс районнэзiсь дасöтiк команда.  Быд пырся велöтчöммез понда бöрйöны неöткодь объекттэз. А талун нiя чулöтiсö мероприятие, кöдаын мыччалiсö ДТП-эз коста аварийно - спасательнöй уджжез.

Кыдз шуисö асьныс пожарнöйез, талун ны одзын сулалö не кокнит мог. Но оланын быдöс овлö эшö сьöкытжык. Конечно, не быд смена пожарнöйезöс корöны ДТП-эз вылö. Но случайез овлöны. Мукодпыр техника пытшкись ковсьö кыскыны не öтiк, а куим – нёль нето вит мортöс. Этасянь спасателлезлöн уджыс должен лоны чож да öтласа.

Позьö содтыны, мый этö не дзир велöтчöм, но и вермасьöм. Быд командалöн участниккез одзаныс сувтöтiсö эшö и мог – мыччавны ассиныс кужöммезнысö медбур уровень вылын.