Вот и стал Коми округ взрослей

Вот и стал Коми округ взрослей. Коми-Пермяцкому округу исполнилось 90 лет со дня образования. В торжественном мероприятии приняли участие губернатор Пермского края Виктор Басаргин, министры регионального правительства, главы муниципалитетов.

Коми-Пермяцкöй округ порйöтiс ассис 90-годся юбилей. Торжественнöй церемония чулалiс окружнöй драматическöй театрын. Тöдчана гöссез коласын вöлiсö Пермскöй крайись губернатор Виктор Басаргин, правительствоöн юралiсь Геннадий Тушнолобов, Законодательнöй Собраннёись представителлез, министррез, муниципалитеттэзöн веськöтлiссез, ордчöн ныкöт округись заслуженнöй йöз, уджалiссез да ветераннэз. Быд морт понда талуння вежалун - округлöн историяö дзар да горт му понда гордость.

Ыджыт поздравленнёэз сцена вывсянь горалiсö крайлöн представителлезсянь. Бытшöм удж понда губернатор, правительство да Законодательнöй Собраннё ниммезсянь производствоын, сельскöй хозяйствоын, бизнесын, здравоохоаненнёын, образованнёын да культураын не öтiк дас уджалiсь морт наградитöмöсь почетнöй грамотаэзöн. Виктор Басаргинлöн кыввезсянь быдöнныс нiя пуктöны ыджыт пай округ да край зорöтöмö.

Сiдз Президентлöн Указ сьöртi карлöн куимöт номера школаись велöтiсь Татьяна Меркушева наградитöм благодарственнöй письмоöн.

Уна отир наградитöмась и Коми-Пермяцкöй округлöн делоэз сьöртi министерство нимсянь. Кыдз висьталiс аслас докладын Виктор Рычков, быдöнныс нiя олöны да уджалöны сы понда, медбы зорöтны коми му.