«Музыкальная капель» вновь собрала друзей

«Музыкальная капель» вновь собрала друзей. Для участия в фестивале в Кудымкар съехались юные музыканты со всего Пермского края.

Кудымкарын чулалiс «Музыкальная капель» нима даскыкöт краевöй фестиваль. Сы вылö локтiсö Перемись, Краснокамскись, Кунгурись, Верещагиноись да крайись мöдiк территорияэз вылiсь сё гöгöр участник да гöсь. «Музыкальная капель» нима фестиваль Кудымкарын чулöтчö 1999 годсянь. Одзжык сiя вöлi дзир окружнöй, а бöрья годдэзö сылöн статус лэбiс краевöйöдз.

Талуння фестиваль вылын челядь вермасисö вит номинацияын. Этö академическöй вокал, фортепиано, народнöй инструменттэз вылын орсöм да творческöй уджжез мыччалöм. Паськыта фестиваль вылын представитöм изобразительнöй да декоративно-прикладнöй искусство.

Фестивальыс помассис и челядь мунiсö горттэзö судзöтöм победаэзöн да виль эмоцияэзöн. Но, год бöртi нiя пантасясö татöн вились, медбы мыччавны ассиныс творчество эшö вылынжык уровень вылын.