Есть идеи? Поделись!

Есть идеи? Поделись!В Коми-Пермяцком техникуме торговли и сервиса в рамках недели торговли прошел день бизнес-идей.

Студенттэзöс велöтiсö гижны да дорйыны бизнес-идеяэз. Торговля да сервис кузя Коми-Пермяцкöй техникумын вузясян неделялöн рамкаэзын чулöтсис бизнес-идеяэзлöн лун. Техникумын неделя сьöрна ни мунöны пантасьöммез, кöдна вылын челядь велöтчöны теоретическöй да практическöй кужöммезö. Мастер – классэз, викторинаэз да быдкодь тематическöэй уроккез иньдöтöмöсь öтiк мог вылö - лöсьöтны челядись профессионаллэзöс.

Вузасян неделялöн мединтереснöй торöн лоис бизнес-идеяэзлöн представленне. Техникумын сэтшöм формат мунö уна год сьöрна ни и быд годöн идеяэзлöн темаэз шогмöны сё буржыкöсь да актуальнöйжыкöсь. Эта год вылын челядь висьтасисö сизим бизнес-идея йылiсь. Ны коласын не дзир вузасьöм. Öтiккез вöзйисö коми-пермяцкöй пиццерия, мöдiккез - вурсян цех, куимöттэз - шоччисян бизнес. Денис Ромашов бöрья кадö дорйис ни не öтiк проект. Судзöтлiс нельки краевöй вермасьöм вылын кыкöт места. Талун зонка висьтасис SD-Moushen аттракцион йылiсь.

Жюрилöн мненнё сьöртi, медоптимальнöй, реальнöй да лыддьöм бизнес- идеяöн лоис Денис Ромашевлöн SD-Moushen аттракцион.