Сила сосны

Сила сосны. В деревне Хазово Кочевского района растет сосна, которой, как говорят местные жители, более двухсот лет. По народным поверьям, в этом дереве присутствует великая сила, которая способна не только лечить людей, но и помогает исполнять заветные желания.

Пожум отирöс веськöтö и вын нылö сетö. Кочевскöй районiсь Хазово деревня дынiсь пожум отир понда лоис достопримечательностьöн. Пожум дынö, кöдалö сетiсö ним Олёна, быд лун локтöны уна отир. Кыдз баитö поверье, эта пуын ыджыт вын, сiя веськöтö и отсалö пыртны оланö уна быдкодь мечтаэз.

Эшö важ кадö коми-пермяккез донтiсö быдкодь пуэз, мукöдыслö юрбитiсö и кеймисö, нiя веритiсö, мый быд пулöн эм аслас лов, ассяма вын и веськöтан свойствоэз. Эттшöм пуэс долженöсь овны öддьöн дыр и нiйö шувлiсö «заветнöйезöн». Современнöй оланын уна обряддэз йылiсь вунöтчисö, но вöвлытöмас эшö некин эз дугдыв веритны.

Олёна-пожум кыкдас вит метра ыжда, а кызанас нель да джын метра. Пожумлöн ассяма форма йылiсь вöралiссез баитöны, мый этадз вермис петны чарньöв увья, но пöрись отир шуöны, мый Олёна эттшöм вöлi пыр.

Лесничествоись уджалiссез эттшöм пуэсö асланыс практикаын панталöны зэв шоча да и частожык сэтшöм вына быдмассэзлö сетöны мужиклiсь ним. Хазово деревняын эта медодзза инька нима пу.

«Сохранение природного наследия нации» нима советлöн решенне сьöртi пожум вöлi пыртöм Россияись дыр олiсь пуэзлöн реестрö. Деревняись олiссез Олёнаöс бура дозирайтöны, эд мог быдöнныслöн öткодь - мед эшö уна год олiс и отсалiс отирлö.