Какая боль, какая боль…

Какая боль, какая боль… В весенне-осенний период основной головной болью для жителей Кудымкара становится бездорожье. Поэтому больше всего обращений, направленных от горожан в администрацию города, связаны с плохими дорогами или их полным отсутствием.  

Кудымкарись олiссезöс оз дугды тöждöтны благоустройстволöн тема. Медуна обращеннёэз, кöдна öнi локтöны  администрацияö, йитöмöсь туйезöн. Отир оз ни корö керны туйез вылын капитальнöй ремонт, а дзир тшöктöны невна лöсьöтны, мед вермис ветлöтны кöть кытшöмкö техника.

Филичи микрорайонiсь Щетинников нима улица вылiсь отир не öтiк год ни пессьöны бур туй понда. Дас год гöгöр эстöн олöны, но туй нылö администрация эшö эз керлы. 2015 годö вöлi кöсйöм, мый туй Щетинникова вылын керасö, но год чулалö, а администрациялöн планö эта туйыс öнöдз абу пыртöм. Öнi местнöй администрацияын кöсйöны лöсьöтны этö туйсö локтан год вылын. Отирöс тшöктöны этöн юасьöмнас обратитчыны депутат дынö, мед сiя вермис лэбтыны шогалан темасö дума вылын и Щетинников нима улица пыртiсö туйезлöн капитальнöй ремонт сьöртi планö. Но сэтшöм жугалöм туйез карын эшö уна. Нач орис туй Завьялова нима улица вылын. Оз туй ветлöтны и Советская улица вылöт. Отир öнi думайтöны мунны прокуратураö, сiдз кыдз дугдiсö надейтчыны администрация вылö.