Свершилось!

Свершилось! В селе Крохалево Юсьвинского района открылся новый детский сад, строить который начали еще в Советском Союзе.

Челядь  понда гажа сад! Киэзöн гора шовкöтöм увтын торжественнöя вундалiсö гöрд ленточка. Сiдз Крохалево посадын куимдас годся видзчисьöм бöрын осьтiсö  виль челядь сад. Посадын кыдз аймам сiдз и челядь понда эта событиеыс лоисбыльнöй праздникöн. Эд важ зданнеас местаыс быдöс челядьыс понда эз тырмы. Сiйöн унаöн пукалiсö гортаныс. Öнi виль челядь садлöн ыбöссэс осьтаöсь быдöнныс понда.  Елена Кылысова ассис кык годся нывсö челядь садö нуöтö медодззаись.  Челядьсö эстöн видзчисьöны ясельнöй, подготовительнöй группаэз. Важ зданнеас жö Быдoнныс ветлöтiсö öтiк группаö. Öнi быд группаын эм спальня да орсöм понда комнатаэз. Эм и столовöй. 

Крохалевоын челядь сад строитöм вылö вöлi видзöм нёльдас миллион руб гöгöр. Öнi этчö пондасö ветлöтны челядьыс не дзик Крохалевоись, но и быдöс матiсь деревняэзiсь. Челядь сад строитöм пондöтчис эшö Советскöй союз коста, но уджжес сэк помöдз сiдз эз и вöлö вайöтöмöсь. И дзик губернатор Виктор Басаргин распоряженне сьöртi, объектыс вöлi строитöм öтiк год коста. Дошкольнöй учрежденнеэзын местаэз аркмöтöм – краевöй власттезлöн сулалö приоритетын. Быдöссö 2012-öй годсянь Прикамьеын строитöмöсь сё куимдас нель челядь сад. Таво год помöдз планнэзын быдсöн бырöтны очередьсö куим-сизим годся челяддезлiсь