Виа блиннэз туйö оланiннэз...

Кадры решают все. В Юрлинском районе благодаря муниципальной программе привлечено в район 21 специалист - медики, педагоги. Есть приезжие даже со Свердловской области. Привлекают новым жильем, а молодых специалистов еще и «подъемными». Программа в районе продолжает работать. За счет бюджетных средств планируется построить еще несколько домов. Трое специалистов уже готовы приехать.

Виа блиннэз туйö оланiннэз... Сiдз Юрлинскöй район бырöтö кадррез сьöртi аркмöм проблема. Куимöт год сьöрна ни Юрлинскöй районын уджалö «Кадры» нима муниципальнöй программа. И талуння лун кежö позьö увереннöя ни висьтавны, мый сiя сетiс ассис результат. Дзир куим годöн муниципалитетö локтiсö уджавны кыкдас öтiк специалист.

Ирина Кошевная локтiс овны Юрлаö кольöм годö Свердловскöй областись. Кöр сiя бöрйис олöм понда места, медодз видзöтiс, медбы сэтчин вöлi специальность сьöртi удж да оланiн. Ирина Степановна локтiс уджавны челядь понда искусствоэзлöн школаö велöтiсьöн. И не дзир сiя öтнас. Куим годöн татiсь музыкальнöй отделеннё вылö локтiсö куим специалист.

Специалисттэз коласын, кöдна бöрья куим годö локтiсö районö, эмöсь велöтiссез, веськöтiссез да отир, кöдна уджалöны районлöн администрацияын.

Специалисттэз понда районын аркмöтöмöсь бур условиеэз. И медодз этö оланiн сетöм. Бытшöм кык квартираа керкуэз лэбöны районын быд год. И не дзир Юрлаын, но и учöтжык посаддэзын. Кольöм годö виль оланiннэзö пырисö Чужьинскöй школаись кык велöтiсь, матiсь кадö керкуэз лэбтасö Усть-Зулаын да Вятчиноын.

А кöр эмöсь олöм понда достойнöй условиеэз, сэк и уджассьö бытшöмжыка. Этö бура вежöртöны районiсь юралiссез, и пуктöны вын, мед бырöтны кадррез сьöртi аркмöм проблема.