Том зонкаэзлöн подвиг эз кольччы вниманнётöг

Герои политеха. Студенты кудымкарского политехникума Владислав Четин и Юрий Караваев спасли на пожаре детей и их мать. Вытащили из горящей избы. За это им вручили медали за доблесть и отвагу. Сами парни свой поступок не считают геройским. Уверены, что на их месте так поступил бы каждый. Если обратиться к статистике пожаров в Коми округе, то число погибших детей на пожаре поражает. В прошлом году погибло 9 детей.

Том зонкаэзлöн подвиг эз кольччы вниманнётöг. Кудымкарскöй политехническöй техникумлöн студенттэз öксьылiсö торжественнöй линейка вылö. Чожа ни ни нiйö видзчисьöны каникуллэз. Этасянь öнi медбур кад керны велöтчан год сьöртi итоггез.

Тавося линейка вöлi эшö öддьöнжык торжественнöй сысянь, мый студенттэз коласын вöлiсö геройез. Морттэз, кöдна асланыс оланöн рискуйтiкö, дорйисö мöдiк морттэзлiсь олан. Неважын Внукова нима деревняын вöлi пожар. Владислав Четин да Юрий Караваев пырöмась öшынöть да кыскöмась сотчан керкуись кык челядьöс да нылiсь мамнысö.

Юра Томилин медодззаöн казялöм бипурсö. Зонка звонитöм пожарнöйезлö, а одзлань отсалöм кыскавны биись морттэсö. Эта подвиг понда том морттэсö наградитiсö грамотаэзöн да медаллезöн.

Тавося годö эта не медодзза подвиг, кöдö керöны челядь да том отир. Юсьвинскöй районын öкмысöт классiсь велöтчиссез сiдз жö кыскисö биись ассиныс соседдэсö. Статистика сьöртi, кольöм годся эта жö кадö биын сотчисö öкмыс морт. Таво эта цифраыс учöтжык и учöтжык эшö сысянь, мый адззисьöны вот сэтшöм геройез.