Карись челядь саддэз öнi унажыкыс пöдналöмöсь ремонт вылö

Время ремонта. В детских учреждениях Кудымкара летом усиленно ведутся ремонтные работы. Детские сады каждое лето по очереди закрываются на освежающий ремонт. Для родителей это весьма неудобно, потому что детей на это время приходится отправлять либо к бабушке в деревню либо в другой детский сад. Но родители относятся к ситуации с пониманием. Ведь их дети вернутся в обновленные группы. Школы на ремонт тратят денег больше. К примеру, на ремонтные работы в школе-гимназии № 3 будет потрачено полтора миллиона рублей.

Карись челядь саддэз öнi унажыкыс пöдналöмöсь ремонт вылö. Капитальнöй ремонт мунö Юрино микрорайонiсь и даснёльöт номера челядь садын. Ремонт вылö сетöм деньгаыс должен тырмыны и пытшкись, и öтöрись уджжез вылö. Сiдз кыдз зданнёлö кыкдас год ни, ремонт корсьö бур. Кык группа «Светлячокын» краситöмöсь и белитöмöсь. Мöдiк пытшкись жыррезын сiдз жö чулалас косметическöй ремонт.

Июль месяцö эта  челядь садын пиэзлöн  комфорт понда лоас керöм неучöт удж. И кытчöдз орсаннэз да быдкодь рöма чачаэз чöлöмöн видзчисьöны ассиныс учöт ёрттэзнысö, вильсямö зданнё мöдiк ладорсянь. Крыша вылын мунö паськыт удж, вежöны да дзимлялöны важмöм кровля. Медбы уджыс крыша вылын вöлi керöм качественнöя, эта сьöрын синйö садикись заведующöй. Гöгöрись территория воспитаниккезлöн локтöм кежö сiдз жö лоас весöтöм. Орсан площадкаэз краситасö да ремонтируйтасö. Этшöм  ремонтнöй уджжез вылö деньга администрациясянь вöлi сетöм быд дошкольнöй да образовательнöй учрежденнёлö.

Керöны ремонт и куимöт номера гимназияын. Быдкодь отделочнöй уджжез вылö школа планируйтö видзны  миллион да джын руб. Чулалöм месяц коста татöн уна ни мый вöлi керöм. Öнi видзчисьöны виль мебель, сiйö ваясö медучöт велöтчиссез понда. Виль велöтчан год панытö школаэз да челядь саддэз осьтасö ыбöссэзнысö только приёмка бöрсянь. Комиссия локтас сразу жö, кыдз помассяс ремонт.