Пикник вылӧ отлаын министркӧт

На пикник с Министром. В селе Белоево Кудымкарского района  прошел Второй межмуниципальный фестиваль «Семейный пикник» для приемных семей. Дети пели, плясали, играли. На фестивале присутствовали почетные гости: Министр по делам  Коми-Пермяцкого округа Виктор Рычков, уполномоченный по правам ребенка Павел Миков.

Пикник вылӧ отлаын министркӧт. Белоевоын таво чулалiс приемнöй семьяэзлöн «Семейный этнопикник» нима кыкöт межмуниципальнöй фестиваль. Ассямаöн лоис сiя, мый таво приемнöй пиэз вöлiсö не дзир округлöн территория вылiсь, но и мöдiк каррезiсь.

Медöдзза  тöдсасьöм öтамöд коласын пондöтчис  гöгрöса чукöртчöм сайын. Приемнöй челядь висьтасисö, кин кытiсь локтiс и тöдсöтiсö мöдiккезöс асланыс меддона талуння лун вылö отиркöт. Этö приемнöй аймамкöт, кöдна вермисö лоны роднöйезöн и адззисö быд пи дынö колана туйёк.

Межмуниципальнöй фестиваль организаторрез лöсьöтiсö конкурссэз да ассяма орсан площадкаэз пырйöт. Нiя, кин локтiсö мероприятие вылö не медодззаись, повтöма гажöтiсö отирсö тупи-тапöн да сьыланкыввезöн. Творческöй площадкаэз челядь понда лоисö бур шоччöт туйö. Эстöн некытшöм возрастнöй границаэз эз дзугö тöдсасьöмсö.

Приемнöй семьяэз фестиваль вылын мыччалiсö асьнысö быднёжа: кыдз кулинаррез, кужись киа мастеррез, бур туристтэз.

Этнопикник вылын семьяэз öтлаасисö и строитiсö ассяма символическöй шоныт керку, кытöн челядь некöр ни оз кольччö радейтiсь отиртöг, оз кольччö семьятöг.  

Баитiсö и кагаöс семьяö босьтöм йылiсь да бöрйисö устройстволiсь формаэз, кöдна пырйöт быдöс этö туйö керны. Приёмнöй семьяэзлöн этнопикник шогмис бытшöм, бур да гажа.