Косинскöй районын строитöны виль челядь сад

Для маленьких косинцев строят сад. В селе Коса возводится детский сад. На его строительство из краевого бюджета выделено 75 млн рублей. В настоящее время уже заложен фундамент и возводится первый этаж. Если всё пойдет по срокам, строители планируют сдать объект к концу года. В январе в детский сад пойдут малыши из  села Коса, поселка Кордон.

Косинскöй районын строитöны виль челядь сад. Сiя лыддиссьö дона, федеральнöй деньга эта вылö выделитöм сизимдас вит миллион руб мымда, сiйöн удж колö помавны сроккезö. Пиэз понда виль зданне кöсйö лоны ыджытöн, бытшöмöн да современнöйöн, кодö ёна видзчисьöны Косаись и Кардонiсь олiссез. Районöн веськöтлiссез да подрядчик понда медглавнöйöн лоö ештыны керны быдöс аскадö.

Стройка лунiсь лунö мунö одзлань. Талунöдз кисьтöм фундамент, лöсьöтöм котельнöй, кирпич да мöдiк колана материаллэз вайöмöсь ни. Удж эшö ыджыт, но подрядчик лöсьöтчö помавны быдöс строительствосö куим-нёль месяц коста. Эта вылö надейтчöны и местнöй администрация, и отир. 

Ежели январь месяц кежö виль садик осьтасö, Косаись и Кордонiсь челядьлö, кöдна пукалöны аймаммезкöт горттэзын, быдöнныслö лоасö сетöмöсь местаэз.

Кыдз только виль челядь садлöн строительство помассяс, Косинскöй районын пондöтчасö строитны Порошевскöй школа. Эта сьöртi öнi ни лöсьöтöны проект.