Кудымкарскöй районiсь ыббез вылын быдмöны сюэзлöн элитнöй сорттэз

СХПК «Россия» Кудымкарского района на своих полях выращивает элитные сорта пшеницы. Апробацию они проходят в Кудымкарском отделе филиала ФГУ «Россельхоз центр по Пермскому краю».

Кудымкарскöй районiсь ыббез вылын быдмöны сюэзлöн элитнöй сорттэз. Этшöм вывод керисö «Россельхоз» центрись специалисттэз.

Эта ыб вылын быдмö шогдiлöн горноуральскöй сорт. Агрономмез öктöны анализ понда кольта. Апробация кертöн, ыббез вылын видзöтöны сюэзлiсь качество. Ежели сюыс быдмö элитнöй, то кольтаэсö босьтöны кыкö. Ежели ыб вылын сюыс не соротвöй – öтiкö. Кольтаэз петöны ыджытöсь. Öктöм шеппез колö видзöтны öддьöн внимательнöя. Дзик сэк позьö казявны, эмöсь я кöдзöм сюыс коласын мöдiккез. Öктöм кольтаэсö агрономмез нöбöтасö «Россельхоз» центрö. Быд кольтаö лоасö домалöмöсь öтiк тысяча витсё шеп. Видзны нiйö пондасö öтiк год, кытчöдз энö сюэсö озö кöдзö.

Апробация керöны нiя колхоззэзын, кöдна сетiсö эна уджжез вылö заявкаэз. Быд год керöны этö уджсö «Россия» нима колхоз понда, сiдз кыдз эта хозяйствоыс вузалö сюэсö не дзир Пермскöй крайись, но и сы сайись хозяйствоэзлö. Кыдз висьталiсö агрономмез, сюэс таво бурöсь быд колхозлöн.