Ыджыт радейтöм

Любви все возрасты покорны. В Кудымкаре состоялась необычная регистрация брака. Общий возраст супружеской пары 161 год. Невеста в этом году отметила 101-ый свой день рождения, а жених – 60-летний юбилей.

Ыджыт радейтöм. Радейтöмлöн югыт чувство вермас локны кöть кытшöм кадö. Этö мыччалiсö карись олiссез.

2000 годсянь Афанасий Харин олiс Кудымкарскoй районiсь Мечкорын пöрись отир понда керкуын. Сэтчин сiя и пантасис аслас талуння невестакöт – Марфа Архиповнакöт. Öтамöдлö пондöтiсö отсавны медодзза лунсянь. Афанасийлöн синнэз озö адззö учöтсянь. Марфа Архиповна отсасис сылö, лöсьöтiс чöскыт сёян, синйис кöмкöт-паськöм сьöрын.

Мечкорын овтöн Марфа да Афоня быдöс ассиныс прос каднысö чулöтiсö öтлаын. Но быдöс вежсис сэк, кöр Мечкорись керку вöлi пöдналöм. Сэксянь нiя пондiсö овны инвалиддэз да пöрись отир понда Кудымкарскöй керкуын. Öтамöд дынсянь нылöн комнатаэз öддьöн ылын, и правилоэз сьöртi, овны öтлаын нылö эз туй.

Этасянь пöрись отир и решитiсö гижсьыны. Невесталö 101 год, жöниклö – 60. Этшöм разница нiйö оз повзьöт. Вöлi бы радейтöм, а эта чувствоыс нылöн, кыдз шуисö том гозъя, эм.