Быдтöм карч гажöтö син

«Край вечно зелёных помидор»… Так раньше Коми округ из-за короткого лета называли сами жители. Теперь же они научились выращивать на своих шести сотках не только традиционные овощи, но и южные ягоды и фрукты.

Быдтöм карч гажöтö син. Винограднöй лозасö Татьяна Николаевна Ярковалö вöзйис тöдса, и не весь. Кынымкö садитöм черенокись аркмис кык метра сувда лунвывся ягöд. Лöз рöма сорт перво эз шогмы. Но инька пондiс лыддьöтны литература, видзöтны интернетын гижöмсö. Паськöтiс ассис тöдöммесö кыдз вермис. Отсöт вылö корлiс нельки мошшезöс.

А вот зеленöй виноград, кöдö отирын велалiсö шуны киш-миш, шогмис сразу жö. Парникын ягöда урожай ордчöн помидоррезкöт быдмис бура. Кыдз баитö Татьяна Яркова, желаннё да тöдöммез отсаласö керны берсясö. Кынымкö годöн одзжык эшö некин эз и верит, мый экзотическöй ягод да фрукттэз быдмасö татöн. Öнi жö южнöй быдмассэсö быдтö Коми округын не öтiк морт ни.

Крепыт мороззэзсянь виноградлiсь лозасö дорйыны позьö быднежа. Инька жö сайöвтiс сiйö кöдзыт увья лым увтö. Ежели крыша парникын вевттьöм бура, виноград дзоридзасяс одзжык и ягöд шогмас буржыка, шуö инька, эд эта быдмасыс радейтö шонытсö.

Мöдiк годö ассис теплицасö инька мöдö быдсöн садитны виноградöн, с1дз кыдз радейтö этö чöскыт ягöдсö семьяись быд морт. Таво куим сортiсь виноградыс шогмис сымда, мый пуисö тöв кежö нельки компоттэз.