Виль школа-сад ванйöвтiс ассис ыбöссэз

В деревне Тарово Кудымкарского района распахнул свои двери новый учительский дом. Посещать его будут детишки семи близлежащих деревень.

Виль школа-сад ванйöвтiс ассис ыбöссэз. Эта неделяыс лоис зэв тöдчанаöн Кудымкарскöй район понда. Сьöрсьöн-бöрсьöн вöлiсö осьтöмöсь куим объект. Ны лыдö пырис и Тарова деревняись школа-челядь сад.

Таво татöн пондас велöтчыны дзир медодзза класс. Локтан велöтчан годö лоасö кыка ни. Кытчöдз эта объектыс пондас лыддиссьыны Сервинскöй школалöн филиалöн. «Учительской керку» статус лоас сетöм невна сёрöнжык.

Степановскöй сельскöй поселеннёись унажык челядёккез велöтчöны öнi Сервинскöй школаын. Этшöм объектсö эксплуатацияö пыртöм бöрсянь Степановскöй поселеннёись сизим деревняись челядёккез пондасö велöтчыны горттэзныс дынсянь матынжык, а Тароваись пиэзлö оз понды ковны годдэзöн сулавны очередьын, медбы шедны челядь садö.