Кужись киэз пыр адззасö ас понда удж

Кузь тöвся рыттэзö, кöр помассисö арся уджжез и содiс прос кад, позьö зорöтны быдкодь кужöммез, кошшыны виль идеяэз. Римма Калининалöн семьяын рукоделие дынö радейтöм мунö öтiк поколеннёсянь мöдiк дынö. И ежели одзжык гöрдззылiсö дзир паськöм, то öнi быдкодь рöма шöрттэзiсь петöны бытшöм чачаэз. Эмöсь инькалöн гортас и кöркöся гöрдззöм торрез, эмöсь и серöтöм картинаэз.

Аслас кужöммез дорö Римма Фёдоровна велöтö и нучаткаэсö. Ыджытжыккес кужöны ни и гöрдззыны, и серöтны, а учöтжыккез кытчöдз дзир думайтöны кутчисьны этна уджжес бердö.

Тöвся кузь рыттэз позьö чулöтны пользаöн. Эд ас киэзöн керöм торрез керку да челядёккез понда лоöны медбур козинöн.