Менам эм вурсян машина...

В финал программы «Ты – предприниматель» вышли 20 человек. Среди них два представителя Коми округа. Это Мехоношина Вера с проектом «Творческая мастерская "Горт" и Мехоношин Сергей с проект «Разведение крупного рогатого скота». В своей мастерской Вера Мехоношина занимается шитьём одежды в этническом стиле.

Менам эм вурсян машина… «Ты – предприниматель» нима федеральнöй программалöн полуфиналö петiсö кыкдас морт. Ны коласын эмöсь Кудымкар да Кудымкарскöй районiсь олiссез. Отир осьтöны не только быдкодь вузасян магазиннэз, но и зорöтöны национальнöй культура.

Вурны этническöй стильын паськöм Вера Мехоношина пондöтчис год бöрлань. Эттшöм идея чужис коми-пермяккезлöн паськöм йылiсь небöг видзöттöн. А сэтчö эшö лöсялiс федеральнöй программа осьтöм.

Медодзза субсидия том инька понда лоис ыджыт стартовöй пондöтчöмöн. Босьтöм деньга вылö небис оборудованнё, кöда колö вурсьöм понда.

Бöрья кадö стилизованнöй паськöм том отир коласын пользуйтчö ыджыт спросöн. Туника, платье, нето толстовкаэз вылын радззез, катша коккез да мöдiк коми-пермяцкöй серрез видзöтчöны бытшöма и оригинальнöя, жыв кыдз модельерлöн виль коллекция. А мед коми-пермяцкöй культурасö этадз зорöтны эшö паськытжыка, колö сьöм, кöдö вермасö сетны сiя жö «Ты-предприниматель» нима федеральнöй программалöн финалын, кытöн ассис бизнес-проектсö пондас дорйыны Вера, кыдз и мöд1к кыкдас участник, кöднö бöрйисö сизимдас мортiсь.