Яндекс.Метрика

Керны пуовöй дадёк кужö мастер öддьöн дёк

сани

Ай да сани, вот это сани: так и мчатся под горку сами! Санки и сани, сделанные жителем деревни Сидорово Кудымкарского района, пользуются большим спросом среди местного населения.

Керны пуовöй дадёк кужö мастер öддьöн дёк. Иван Дмитриевич Чудинов керö не только вилаэз, кураннэз да зыррез, сiя мастеритö эшö доддез да даддез, спрос ны вылö деревняын медыджыт и хозяйствоын отсасьöны медъёна.

Кыдз шуö мастер, мед шогмис бур крепыт дадь, нето додь, материалсö колö заптыны годöн одзжык, мед сiя ештiс косьмыны да волькамны. Ежели материал бöрйöм правильнöя да бура лöсьöтöм, керöмыс тырмас дыр кежö.

Кужись киа морт берсяöн отсалö и отирлö, заказзэз овлöны быдкодьöсь, эталö Иван Дмитриевич только рад, вöлiсö бы желающöйез босьтны, а керны мыйись адззисяс.

Дадёккез вылын ыслöтöны челядьöс, а эшö нiйö видзöны хозяйствоын, кыдз и додь жö, сiя ёна отсалö, эд деревняын, эттшöм учöт техника вежö машина. Мый бердö бы эз кутчись, Иван Чудиновлöн быдöс шогмö. Кува посадын быдöнныс ни сы даддезöн ысласьöны, сылiсь жö и доддез доддялöны колö кö гортын турун нето пес вайны. Сiдз кö мастерлöн техника весись оз сулав, öтлаын отиркöт уджалö.


Опубликовано: 09.12.2014 в 15:26 в рубрике - Новости

Комментарии

К этой статье пока нет комментариев. Вы можете стать первым!


Добавить комментарий:

Все поля должны быть заполнены.

Имя

Электронная почта

Текст комментария:
Вводите только текст. HTML-форматирование удаляется автоматически.

Перезагрузить картинку можно кликнув по ней.  

Введите цифры с картинки.

Обратите внимание