Эм лук, эм петрушка…

Есть лучок, и есть петрушка… В производственных теплицах Коми-Пермяцкого сельскохозяйственного техникума работа ведется круглый год. Несмотря на морозы, уже сейчас здесь можно купить зеленый лук и зелень. За всеми культурами ухаживают будущие агрономы.

Эм лук, эм петрушка… Чожа кöдзыт тöвся луннэсö вежас тулысся мича шондi, сэк быдöнныслöн пондöтчас кöдзан-садитан кад. А вот уж кинлöн сiя оз помассьыв, дак этö сельхозтехникумын велöтчиссезлöн и уджалiссезлöн.

Техникумлöн теплица пытшкын и тöвся кадö эм мыйöн дивуйтны. Эстöн быдтöны дзоридззез, быдкодь витамина турун и лöсьöтчöны кöдзны.

Теплицаэзын том агрономмез быд лун тыра кöшöн куралöны виль тöдöммез. Студенттэз асланыс обязанносттез йылiсь тöдöны. Быд велöтчись удж бöрйö сьöлöм сьöртi.

Мед быдöс бура быдмис, колöны не только уджалан киэз. Микроклимат теплицаын ассяма, луннас температура видзсьö кыкдас градус гöгöр, рытöн дасквать-даскыкьямыс, влажность кыкьямысдас вит процент мымда, быдмассэзлö эта лöсялö.

Öнi агрономмез разрабатывайтöны виль технологияэз, чожа удж содас и  гожум кежö быдöс виль задумкаэз лоасö керöмöсь.