Юсьвинскöй «Кулибин» ас киэзöн öктiс машина

Юсьвинский самоделкин. «Юный техник»  с детства был любимым журналом  Ивана Лучникова. Увлекаясь техникой, он своими руками собрал свой первый автомобиль. Испытывать его он собирается на первых соревнованиях среди подобных машин, которые пройдут уже в эти выходные в селе Отево Кудымкарского района.

Юсьвинскöй «Кулибин» ас киэзöн öктiс машина. Январь кыкдас öкмысöт лун лыддиссьö мирын медодзза бензиновöй автомобильлöн нимлунöн. Именно эта лунö 1886 годö вöлi сетöм этшöм техника вылö медодзза патент. Годдэз сьöрна уна мый вежсис, но техника радейтiсь йöз дзир содöны. Вот и Юсьва посадiсь Иван Лучников ачыс öктiс машина. Кыдз торйöтчис том морт, техника дынö радейтöм сылöн челядь кадсянь. Эшö школаын велöтчикö сылöн медрадейтана журналöн вöлi «Юный техник». Медодз керлiс учöтик торрез. Машина сылöн киэз увтiсь петiс медодззаись. Зэв ассяма машина керöм понда задумка сiя босьтöм интернетiсь.

Техника, кöдöн позис бы гöрны карчйöр, нето керны горт гöгöрись уджжез, öнi уна кинлöн эм. А этшöмсö, кöда вылын позис бы пыравны округись быд пельöсокö, сэсся некытiсь он адззы. Локтан гожумö эта машина вылын удж пондас мунны одзлань. Матiсь кадö сiя лоас бытшöмжык да шонытжык.

Но, а локтан шоччисян луннэзö ни Иван аслас техника вылын петас медодзза вермасьöммез вылö.  Нiя чулöтчасö локтан субботаö Кудымкарскöй районiсь Отево деревняын.

Задумкаэз эшö тырмомви, содтiс том морт. И сiя поднас одзлань пыртны нiйö оланö да дивуйтны отирсö.