В округе открыли седьмой учительский дом

Седьмой по счету. В Коми-Пермяцком округе открыты уже семь учительских домой. Четыре из них открыты в 2014 году. Одним из них стал и Пятигорский учительский дом, в котором размещены 3 начальных класса, дошкольная группа и квартира для педагога.

Коми-Пермяцкöй округын оссис виль учительскöй керку. Сiя лоис сизимöтöн. Эталö радöсь и челядьыс и нылöн ай-мамыс.

Людмила Олехова нуöтö ассис нывсö виль велöтчан керкуö, кöдö осьтiсö нач неважын. Сылöн öнi абу некытшöм полöм, мый важ школасö пöдналасö и пондас ковны ветлöтны мöдiк школаöдззас дас километрася унажык. Öнi учöт челядь понда строитöм кыкдас морт вылö виль просторнöй школа. Начальнöй классэзын велöтчиссез понда лöсьöтöмöсь куим класс. Челядь сад увтö сетöм спальня да орсöм понда комната. Виль учительскöй керкуын велöтчöны не дзик Пятигорыись челядьыс, но и мöдiк матiсь деревняэзiсь. Кыдз шуöны ай-маммес, лоис öддьöн бур, эд эз кö бы строитö виль школасö, то матiсьжык школаöдз ковсис бы ветлöтны дасвит километра.

Уджавны локтiс велöтiссезлöн семья. Оксана Юрьевна одзжык уджалiс мöдiк посадын. Öнi öтлаын мужикыскöт да куимнан челядьыскöт олöны виль квартираын, кöда школаыскöт öтiк крыша увтын.

Пятигорыись велöтiссезлöн керку öтдруг решайтö неöтiк проблема. Öткö этö сельскöй ме5стностьын малокомплектнöй школа, мöдкö – велöтiссез понда оланiн. Эта программаыс уджалö Пермскöй крайись губернатор Виктор Басаргин порученне сьöртi. Косинскöй районын этшöм керкуыс лоис медодззаöн. Быдöссö Коми-Пермяцкöй округас этшöм керкуэс сизима ни. И нёльыс ны коласiсь вöлiсö осьтöмöсь мöйму.

Людмила Олеховалöн нылыс öтлаын сэтшöм жö челядькöт велöтчö öнi виль школаын, велöтö национальнöй культура да лöсьöтчö ыджыт событие – Коми-Пермяцкöй округлöн öкмысдас годся юбилей кежö.