Многоликое детство: В Кудымкаре прошёл образовательный форум

«Многоликое детство! Народов много – страна одна». Под таким названием в Кудымкаре прошел межмуниципальный образовательный форум. Его участниками стали дети и их наставники. Посвящено мероприятие было 90-летию Коми-Пермяцкого округа.

Енбиа челядь пантасисö форум вылын. «Многоликое детство! Народов много – страна одна!» - этадз вöлi шуöм межмуниципальнöй образовательнöй форум, кöда чулöтичис карись «Радуга» нима челядь понда центрын. Челядь да велöтiссез понда форумлöн организаторрез йитiсö эта лунся пантасьöмсö Коми-Пермяцкöй округлöн öкмысдас годся юбилейкöт. Этасянь и моггез одзаныс сувтöтiсö зэв тöдчанаöсь.

Форумлöн участниккезöн лоисö челядь да нылöн наставниккез. Ны коласын кыдз том, сiдз и опытнöй велöтiссез. Номинацияэз, кытöн позис бы мыччавны таланттэз, вöлiсö не етша. Öтiк номинацияыс шусис «Том художник». Джын час сьöрна сылöн участниккезлö колiс мыччавны быдкодь техникаэзын уджалöм. Том художниккез висьтасисö асланыс творчество йылiсь.

Позьö содтыны, мый форумлöн быдöс участниккез мунöны кык этап пырйöт. Талун татчö öксисö дзир нiя, киннэз вöлiсö бöрйöмöсь заочнöй тур коста. Очнöйын участие примитiсö дзир медбуррез, шуисö юралiссез.

«Я - юный исследователь Пермского края» - этадз шусис эшö öтiк номинация. Челядь представитiсö исследовательскöй уджжез, кöднö кертöн нiя пыдына тöдсасьöмась мам мулöн историякöт.

Вöлiсö уна участниккез и «Зарниа киэз» нима номинацияын. Жюриöн вöлiсö донтöмöсь быдöнныс.