Опасный мост

Опасный мост. В Юсьвинском районе ведется большая работа по ремонту муниципальных дорог и мостов. Одним из аварийных мостов в районе считается мост через реку Иньва. Хоть работы на данном объекте ведутся уже давненько, их завершению не видно конца.

Юсьвинскöй районын мунö туйез да поссэз лöсьöтöм сьöртi удж. Иньва ю весьтöт пос татöн важынни видзчисис ремонт. Кольöм воö сы бердö кутчисисö, уджалiсö татöн бригадаэзöн. Первосянь вöлi вайöм уна строительнöй материал, но помавны досповна этö уджсö öнöдз эз вермö.

Сiдз кыдз пос вылын туйлöн öтiк ладорыс абу лöсьöтöм, участок лыддиссьö аварийнöйöн, и кöть машинаэз понда туй осьта, сувтöтöмöсь нельки безопасность понда знаккез, но пемыт кадö нельки и нiя вермасö не отсавны. Сiя кадö, кöр Иньва ю весьтöт пос вылын уджжез эз помассьö, Пермскöй крайись автомобильнöй туйез сьöртi управленнё Юсьваын пондöтчис строитны мöдiк пос.

Кытшöм сроккезö лоас помалöм удж, висьтавны оз туй, комментируйтны пос сьöртi уджжез подрядчик откажитчис. Местнöй администрация сроккез йылiсь сiдзжö етша мый тöдö. Запрос вылö, кöдö Юсьвинскöй администрация иньдöтiс Перемö, паськыт ответ некин эз сет.

Отир надейтчöны, что посыс Юсьваын лоас керöм перыта, бура и досповна.