Пожарной охране России 366 лет

Пожарной охране России  366 лет. В Кудымкаре состоялось торжественное мероприятие, посвященное празднику пожарных. На базеПЧ-62 состоялась церемония награждения сотрудников пожарной части ведомственными наградами.

Пожарнöй часттез порйöтiсö ассиныс профессиональнöй праздник. Таво эта лоис 366-öт пырся ни. Нiя, киннэз бöрйисö пожарнöйлiсь профессия, öксисö торжественнöй построеннё вылын. Öнöдз пожарнöй службаэз – этö крепыта йитöм профессиональнöй подразделеннёэз. Нiя дзескыта уджалöны öтамöд коласын и пыр аскадö сетöны отирлö отсöт. Сiйöн медодз ны понда вöлiсö лöсьöтöмöсь быдкодь наградаэз. Виктор Бачевло вежалун лунö вöлi сетöм бур служба понда министерскöй награда.

«За отличную службу» нима медаллез козьналiсö эшö уна бур уджалiсьлö. Крайлöн министрествосянь, Кудымкарись и Кудымкарскöй районiсь юралiссезсянь  почетнöй грамотаэз, дипломмез и благодарственнöй письмоэз адззисö ассиныс геройезöс. Кык пожарнойлö досрочнöя сетiсö старшöй прапорщиклiсь званнёэз. Эз вунöтö и простöй отир йылiсь, кöдна öтсалöны пожарнöйезлö ны некокнит уджын. Отвага понда медаль сетiсö Николай Тупицынлö. Сiя петкöтiс мортöс биись.

Кытшöм бы праздничнöйöн эз вöв эта луныс, ас удж йылiсь пожарнöй службаэз некöр оз вунöтö.