Кто стал студентом года?

«Талантина - 2015»! В Кудымкарском педагогическом колледже состоялось главное мероприятие года. В номинациях «Люблю учиться», «Спорт! Спорт! Спорт!», «Творчество» и «Педагогический дебют» были отмечены лучшие студенты. Также были определены «Студент года» и «Преподаватель года».

Кудымкрскöй педагогическöй колледжын чулалiс «Талантина» нима вежалун. Нёль номинацияын челядьлö вöлi сетöм не öтiк сё грамота да козин.

«Талантина» нима вежалун велöтчан заведеннёын чулöтчö не медодззаись ни. Таво челядь мыччалiсэ асьнысö велöтчöмын, спортын да творчествоын эшö буржыка.

«Люблю учиться» нима номинацияын пасйисö медбур велöтчиссезöс. Бытшöм кыввез да козиннэз получитiсö челядь да велöтiссез кыдз коллективнöй, сiдз и индивидуальнöй номинацияэзын. Медуна успеххез да победаэз пасйöмöсь спортын. Уна спортсменнэз коласiсь медактивнöйöн да результативнöйöн лоис Илья Зубов. Шедтöм победаэз понда «Спорт» номинацияын сiя лоис медбурöн.

Вится унажык петавлiс импровизированнöй сцена вылö Анастасия Воробьева. Бура велöтчöм да спортын шедтöм результаттэз понда нылочкалö дöнзис медглавнöй «Талантина».

Кудымкарскöй педагогическöй колледжын «Талантина» нима вежалун пондас чулöтчыны и одзлань.