Сельхозпредприятия приступили к заготовке кормов

Сельхозпредприятия Коми округа приступили к заготовке кормов. СХПК «Россия» петiс ыббез вылö медодззаöн. Шоныт луннэзö нiя кутчисисö заптыны сенаж. Медодзза шоныт луннэсö «Россия» нима колхозiсь бригадаэз весь öштыны эз пондö, перыта кутчисö сенаж керöм бердö. Удж пондöтiсö Лопатинскöй да Выровскöй ыббез вылын. Эта хозяйствоын гожум кежö план сувтöтом ыджыт. Заптыны подалö сёян колö тырмöмви.

Турун Лопатинскöй ыббез вылiсь öнi ытшкисö, лöсьöтны бура быдмöм культураэзiсь сенаж пондöтчисö ордчöн неöтiк бригада. Кольöм годö уджö пыртöм виль технология мыччалiс ассис результат, и сiдз кыдз сенаж сельскöй хозяйствоэз пондiсö лыддьыны пода понда медбур, пöтöса вердасöн, заптыны сiйö «Россия» нима колхозын лöсьöтчöны квать тысяча тоннася унажык. Этö кыкись унажык нежели мöйму.

Объеммезö пырö и дасквать тысяча тонна силос. Талуння лун вылö тöв кежö подалö сёян заптöм сьöртi «Россияын» формируйтöмöсь куим звено. Техника уджалö, эшö вынажык и буржыка уджалöны асьныс отир. Надейтчöны, мый таво погоддя сетас тыртны план и керны уджсö эшö унажык да качественнöя.