Благоустройство улиц продолжается

Благоустройство улиц продолжается. Сейчас на улицах Кудымкара убирают старые березы и тополя.

Карись улицаэз вылын дзимлялöны пуэз. Только отирöс пыр тöждöтö, правльнöя я мунö эта уджыс. Дзимлявны пуэз Кудымкарын пондöтчоны гожумсянь, частожык пöрöтöны вына, пöрись кыдззез и тополлез. Неважын сэтшöм уджжез мунiсö Советская нима улица вылын, татiсь пилитiсö кватьдас кыкöт годö садитöм кыдззез. Пуэз натьтö бы быдмисö эшö уна год, но ковсис дзимлявны. Кыдз баитöны матiсь керкуэзын олiссез, тротуар пöлöн садитöм пуэз полöтöны, эд ежели мый шогмас, последствиеэз вермасö акмыны сьöкытöсь. Кöть важ да шогалiсь пуэз пöрöтöны, но сiдзжö уна и садитöны. Таво пуэз садитöм сьöртi Кудымкарын чулалiсö быдкодь акцияэз. Даскыкöт микрорайонын вильсьöтiсö парк. Пуэз эстöн садитiсö предпринимателлез. Коми-Пермяцкöй драматическöй театр дынын садитiсö сирень. Пуэз садитасö и мöдiк территорияэз вылын. Эттшöм уджжез пондасö мунны кузь гожум.