Строительство стадиона зашло в тупик

В селе Юсьва строительство стадиона зашло в тупик. Подрядчик, получив деньги, так работу и не завершил. Сроки сдачи объекта, указанные в гарантийном письме, сдвинуты на месяц.

Юсьва видзчисьö виль стадион. Юсьва посадiсь олiсь Юлия Томилина öтлаын аслас ёрттэзкöт быд лун ветлöтö стадион бокöт и шуö, что мöймусянь сэтöн етша мый вежсис. Если эшö арнас стадион вылын вöлi вöвдöм дорожнöй полотно, то öнi сiя öктöм кучаö и чапкöм стадионлöн территория вылö. Площадка вылын уджалöны куим морт. А эд строитны стадионсö Юсьваын пондöтчисö эшö мöйму и пыртны эксплуатацияö планнэз сьöртi сiдз жö долженöсь вöлiсö кольöм год помö. Но талуння лун вылö уджжес öнöдз абу помалöмöсь. Сроккес медодз вöлiсö вуджöтöмöсь июнь первöй лун вылö, а сэсся - июль месяц вылö.

Стройкалöн заказчикöн администрация назначитiс Юсьвинскöй школаöс. Сiдз вöлi кокнитжык лöсьöтны документтэсö. Уджжез понда öнi ответ видзö директор. Кыдз сiя шуö, сы понда эта вöлi медодзза практикаöн, эд аслас образованнё сьöртi сiя велöтiсь, а не строитель. Кольöм годся ноябрь месяцö сiя пуктiс керöм уджжез примитöм сьöртi актын кырымпас, а сёрöнжык вештiс подрядчикыслö стадион понда сьöм, этö даскык миллмион руб гöгöр.

Подрядчик жö сетiс гарантийнöй письмо, кытöн вöлi гижöм, мый июнь первöй лун кежö уджжес стадион вылын лоасö помалöмöсь. Но уджжесö сiдз эз и кер. Öнi ситуациясö аслас контроль увтö босьтiс районнöй администрация. Аркмöтöм уджалан группа, кöда нуöтö проверка да контроль. Объект вылö нiя ветлöтöны быд неделя. Быдöс уджжес öнi долженöсь помассьыны стадион вылын июль медодзза лунöдз. Если сроккес лоасö вились дзугöмöсь, бöрйисьны пондас прокуратура.

Кöть эшö и вайöм не быдöс материалыс, и не быдöс колана техникаыс уджалö, но нiя надейтчöны, мый уджжесö туйö эшö помавны ас кадö.. А лоасö кö дзугöмöсь виль сроккес и кин эта понда пондас видзны ответ, кытчöдз абу тöдса, но посадын олiссес веритöны, что Юсьваын медодзза стадион нач чожа ни пондöтас ассис уджсö.