Коми-пермяцкий язык - с детсадовской скамьи

Шы да пас. Дети изучают коми-пермяцкий язык. Детский сад № 27 города Кудымкара принял участие в финно-угорском конкурсе межрегиональных проектов. В номинации «Лучший региональный проект» он стал победителем. Теперь в рамках реализации данного проекта в детском саду ведутся занятия по изучению коми-пермяцкого языка. Занятия посещают как дети, так и их родители.

Челядь садын эксперимент. Кудымкарись кыкдас сизимöт номера челядь сад участвуйтiс финно-угорскöй проекттэзлöн межрегиональнöй конкурсын. «Медбур региональнöй проект» нима номинацияын миян карись дошкольнöй учрежденнё лоис медбурöн. Öнi эта челядь садын мунö региональнöй эксперимент. Экспериментöн шуöм коми-пермяцкöй кыв велöтöм. Велöтöны сiйö «Колокольчик» нима челядь садын кыдз воспитанниккез, сiдз и нылöн аймам. Занятиеэз челядь садын пондiсö чулöтны май месяцсянь. Öктiсö нiя уна желающöйöс. Аймаммез локтöны велöтны кывсö не только ыджыт интерес увья, но и мед вежöрты сiйö, сiдзжö нылö охота сы вылын баитны да гижны.

Коми кыв велöтöмын нылö отсалöны велöтiссезöс велöтан институтiсь уджалiссез. Татöн нiя öтлаын рисуйтöны, гижöны, велöтöны рöммез и нельки тöдмалöны юржугданнэз. А эшö орсöны, и асьныс аскöття лöсьöтöны юасьоммез. Быдöс эта керсьö чужан кыв вылын

Быд занятие сетö виль тöдöммез. Нельки челядь кужöны ни невна баитны. «Нет на свете ничего роднее, чем своя земля и свой язык» нима проект Кудымкарись кыкдас сизимöт номера челядь садын зорöтöны кокнита. Языковöй курс, кöдö нуöтöны воспитателлез и коми-пермяцкöй кыв сьöртi специалисттэз, лоис коланаöн и öддьöн радейтанаöн амймам и нылöн челядь понда.