Пожаров стало меньше

Органы государственного пожарного надзора обобщили информацию о пожарах и их последствиях на территории г. Кудымкара и южных районов Коми-Пермяцкого округа в первом полугодии 2015 года. В окружном центре, Кудымкарском, Юсьвинском и Юрлинском районах общее количество пожаров снизилось с 60 до 53, а число погибших на них увеличилось с 10 до 11 человек.

Пожаррезлöн лыд чинiс. Государственнöй пожарнöй надзорись органнэз керисö тавося квать месяц кузя Кудымкар да Коми-Пермяцкöй округлöн лунвывся районнэзлöн территорияэз вылын аркмöм пожаррез сьöртi итоггез. Сiдз Кудымкарын, Кудымкарскoй, Юсьвинскöй да Юрлинскöй районнэзын пожаррезлöн öтласа лыд чинiс. Если мöйму эта кад коста вöлiсö пасйöмöсь кватьдас пожар, то таво нiя вöлiсö витдас куима. Пожаррез коста таво кулiсö дасöтiк морт.

Бур ситуация аркмис пожаррез сьöртi Юсьвинскöй районын. Эстöн кыкдас пожарсянь таво нiя чинiсö öкмыс пожарöдз. А кулöм отирлöн лыдыс чинiс квать мортсянь кык мортöдз. Эз бергöтчы умöльланьö пожаррезлöн статистикаыс Юрлинскöй районын. Кыдз и мöйму, таво районын вöлiсö даснёль пожар, кöдна коста биын сотчисö кык морт.

А вот Кудымкарскöй районын да Кудымкарын пожаррезлöн лыд содiс. Содiс и биын сотчöм отирлöн лыд. Карын тавося джын год коста вöлiсö даснёль пожар, а мöйму эта жö кад коста – даскуима. Кудымкарскöй районын таво пасйöмöсь кыкдас куим пожар, мöйму жö вöлiсö кыкдаса.