В Кудымкар привезли мощи целителя Пантелеймона

В Свято-Никольский храм Кудымкара привезли мощи великомученика и целителя Пантелеймона.

Кудымкарö вайисö вежа веськöтiсь, Святöй Пантелеймоннлiсь мощщез.

Православнöй отир панталiсö вичку дынын вежа мортлiсь мощщез молитваэзöн да джыняннэзлöн орсöмöн. Почитаемöй святöйлöн енпöв Кудымкарись вичкуын вöлi пыр, а вот мощщез Кудымкарö вайисö первуись.

Великомученик Пантелеимон öддьöн тöдчана вичку да православнöй отир понда святöй. Кытшöм искуснöй врачöн, целительöн и отсасисьöн вöлi Пантелеимон, висьтасисö прихожаналö вичкуись благочиннöйез. А православнöйез эта лунö храмö локтiсö уна. Юрбитны Святöйлö да павкöтчыны мощщез дынö, желающöйез öксисö тыр. Лöсялiс сiдз, мый Преображеннёлöн православнöй вежалунö карись Свято-Никольскöй вичку козьналiс прихожаналö зэв дона козин.

Торжественнöй церемония чулалiс вылын духовнöй уровень вылын. Молитваэз, юрбитöм да вичкуын атмосфера саймöтiс отирын Великомученик Пантелеймон да православие дынö эшö ыджытжык надея и веритöм.

Уна годдэз сьöрна Пантелимонлö юрбитöны том и пöрись, шогалiсь и здоровöй отир.

Святöй Пантелеймонлöн мощщез лоасö Свято-Никольскöй вичкуын август куимдас öтiкöт лунöдз. Отирлöн эм уникальнöй возможность локны павкöтчыны енпöв да мощщез дынö. Эд нiя олöны Грецияын, Афон нима керöс вылын, а инькапöлöсöс сэтчин оз примитö.